ACTUAL

Charas commembras, chars commembers e charas amias e chars amis da la baselgia da San Niclà
No ans allegrain fich, chi’s po darcheu verrer, schmüravgliar e splattar.
I’d es darcheu pussibel d’organisar occurrenzas, museums e palcs sun darcheu averts – uschea esa cun la cultura in Svizra.

IMG_0863 (Foto: Fundaziun Baselgia San Niclà)

 

CONCERT DA COOPERAZIUN cun Società d'Ütil public, Sent CUN BUS GRATUIT SENT - SAN NICLÀ - SENT
Sustgnü dal Uffizi da cultura federal e chantunal
CELLO & CELLO
Gyula Petendi und Matthieu Gutbub

Marcurdi, 5 october 2022, 20:15 h
Baselgia San Niclà, Strada


„Viadi cun duos cellos tras ils tschientiners cun ovras da Jeanne-Baptiste Barrière, Friedrich August Kummer, Gyula Petendi e Ernst Mahle“

DESCRIPZIUN MUSIKERS Componist Gyula Petendi (*1954)
Gyula Petendi ha stübgià violoncel pro la professura Irene Güdel a l’academia da musica a Detmold (D). Davò ha el sunà aint ils orchesters sinfonics „Graunke“ (München) e „MAV“ (Budapest). Daspö il 1986 viva el in Engiadina, ingiò ch’el instruischa in las scoulas da musica da l’Engiadina Bassa ed Engiadin’Ota. Regularmaing es el activ sco musiker da chombra.

Matthieu Gutbub (*1992)
Maththieu Gutbub es nat a Saint-Louis (Frantscha). Dal 2001 fin 2014 es el gnü instrui dal professer Ivan Monighetti a la Scoul’ota da musica a Basel, ed ha serrà giò cun seis « Master of Arts in Music Performance » cun distincziun. Il “Master of Pedagogy” ha el acquistà pro Conradin Brotbeck a la Scoul’ota d’art a Berna. Sper si’actività sco cellist as preschainta el eir sco gambist, baritonist e sco pledader.

Infuormaziuns organisatoricas Entrada 25.- / commembras e commembers 20.-
Annunzcha 081 864 08 89 / 076 343 63 51 (J. & A. Erni)
Annunzcha ed info bus 079 216 45 53 (Ueli)

Sco finischun offrischa la società ün aperitiv cun prodots da la regiun.
Amiaivelmaing invidan: ils musikers, sent-concerts e la suprastanza Center cultural Baselgia San Niclà.
Dokumente
Bereitgestellt: 18.09.2022     Besuche: 29 Monat
aktualisiert mit kirchenweb.ch